പിലിക്കോട്: (2020 Jan 05, Samakalikam Vartha) സ്‌കൂട്ടര്‍ അപകടത്തില്‍ പരിക്കേറ്റ് ചികില്‍സയിലായിരുന്ന മഹിളാ അസോസിയേഷന്‍ നേതാവ് മരണപ്പെട്ടു. പിലിക്കോട് കരപ്പാത്ത് സ്വദേശിനി ശശികല(50) ആണ് മരിച്ചത്. വാണിനഗര്‍ പി.എച്ച്.സിയിലെ പാര്‍ട്ടൈം ജീവനക്കാരിയായിരുന്നു. കഴിഞ്ഞ ദിവസം രാവിലെ 11 ഓടെ തൃക്കരിപ്പൂര്‍ ഗവ:വൊക്കേഷണല്‍ ഹയര്‍സെക്കന്‍ഡറി സ്‌കൂളിന് സമീപത്തായിരുന്നു അപകടം. ബൈക്കും ശശികല സഞ്ചരിച്ചിരുന്ന സ്‌കൂട്ടറും കൂട്ടിയിടിക്കുകയായിരുന്നു. അപകടത്തില്‍ തലക്ക് സാരമായി പരിക്കേറ്റ് കണ്ണൂരിലെ മിംസ് ആശുപത്രിയിലേക്ക് കൊണ്ടുപോയിരുന്നു. തീവ്രപരിചരണ വിഭാഗത്തില്‍ കഴിഞ്ഞിരുന്ന ശശികല ബുധനാഴ്ച വൈകീട്ട് അഞ്ചുമണിയോടെ മരണത്തിന് കീഴടങ്ങുകയായിരുന്നു. മുന്‍ പിലിക്കോട് ഗ്രാമ പഞ്ചായത്തംഗമായിരുന്നു. സി.പി.എം പിലിക്കോട് വെസ്റ്റ് ലോക്കല്‍ കമ്മിറ്റി മെമ്പറും കര്‍ഷക തൊഴിലാളി വില്ലേജ് വൈസ് പ്രസിഡണ്ടും മഹിളാ അസോസിയേഷന്‍ തൃക്കരിപ്പൂര്‍ ഏരിയാ ജോയിന്റ് സെക്രട്ടറിയും പിലിക്കോട് വില്ലേജ് സെക്രട്ടറിയുമായിരുന്നു. കണ്ണൂര്‍ ഗവ: മെഡിക്കല്‍ കോളേജില്‍ പോസ്റ്റ്‌മോര്‍ട്ടത്തിനു ശേഷം വ്യാഴാഴ്ച ഉച്ചയ്ക്ക് 12 ന് കാലിക്കടവിലും തുടര്‍ന്ന് പിലിക്കോട് കരപ്പാത്തെ സി.പി.എം ലോക്കല്‍കമ്മിറ്റി ഓഫീസിലും പൊതുദര്‍ശനത്തിന് വെക്കും. പേക്കടത്തെ പരേതനായ കരുണാകരന്റെയും കൊഞ്ഞായി സരോജിനിയുടെയും മകളാണ്. ഭര്‍ത്താവ്: വി.വി.മോഹനന്‍. മക്കള്‍: ഷൈജു, ബൈജു (ഇരുവരും എച്ച്.ഡി.എഫ്.സി ബാങ്ക് ജീവനക്കാര്‍). സഹോദരങ്ങള്‍: പ്രേമ, ഹേമലത, അനിത, ബിന്ദു, ഷാജി.
SHARE THIS
ഈ വാകമരച്ചോട്ടില്- അഫ്സല് ചെന്നിക്കര എക്സലന്സി അവാര്ഡ് യുവഗായകന് അരുണ് ഏളാട്ടിന്
കാസര്കോട്: (2020 Feb 22, www.samakalikamvarth
കാസര്കോട് സ്വദേശി കോഴിക്കോട്ടെ കുളത്തില് മുങ്ങിമരിച്ചു
കോഴിക്കോട്: (2020 March 16, www.samakali
ദമ്പതികള് സഞ്ചരിച്ച ബൈക്കില് കര്ണ്ണാടക ആര്.ടി.സി ബസിടിച്ച് യുവാവ് മരിച്ചു
കാസര്കോട്: (2020 Jan 29, Samakalikam Vartha
ബൈക്കില് ലോറിയിടിച്ച് കാസര്കോട്ടെ യുവ ഡോക്ടര് മരിച്ചു
കോഴിക്കോട്: (2020 March 06, www.samakal
ബെന്റ്ലി ഓടിച്ചത് താനല്ലെന്ന് മുഹമ്മദ് നാലപ്പാട്; തെളിവുണ്ടെന്ന് കര്ണാടക പോലീസ്
ബെംഗളൂരു: (2020 Feb 12, www.samakalikamvartha.
പരവനടുക്കത്ത് യുവദമ്പതികള് വാടക ക്വാര്ട്ടേഴ്സില് മരിച്ച നിലയില്
കാസര്കോട്: (2020 March 13, www.samakalikamva
0 التعليقات: